07 августа 2014, 17:03
Уæрæсейы Центрон банк рауагъта ног æвзист æхца Цæгат Ирыстоны, Дзывгъисы Сыгъдæг Георгийы аргъуаны нывæфтыдимæ
Фыццаг æй райста нæ республикæйы сæргълæууæг Мамсыраты Таймураз. Уый балæвæрдта курдиат сæйраг эмиссион институтмæ, цæмæй Аланийы аргъуыды мин сæдæ дæс азы кадæн уагъд æрцæуа æвзист майдан нæ республикæйы Архитектурон цыртдзæвæны хуызимæ
Уæрæсейы Центрон банк рауагъта ног æвзист æхца Цæгат Ирыстоны, Дзывгъисы Сыгъдæг Георгийы аргъуаны нывæфтыдимæ. Фыццаг æй райста нæ республикæйы сæргълæууæг Мамсыраты Таймураз. Уый балæвæрдта курдиат сæйраг эмиссион институтмæ, цæмæй Аланийы аргъуыды мин сæдæ дæс азы кадæн уагъд æрцæуа æвзист майдан нæ республикæйы Архитектурон цыртдзæвæны хуызимæ. Зæгъын хъæуы уый æмæ Ирыстоны дзуары бынæттæй ацы аргъуан æвзæрст æрцыд Дзæуджыхъæуыккаг æмæ Алайнаг архиепископ Зосимойы разыйæ. Æхцайы бæрц у 3 сомы. Уæрæсейы Центрон банчы Цæгат Ирыстойнаг национ банчы разамонæг Дзиуаты Иринæ куыд загъта, афтæмæй йæ тираж у 5 мин экземпляры æмæ йын уыдзæн стыр кад коллекционерты æхсæн. Дзыгъисы Дзуары Хуызимæ ног æхца балхæнæн ис банчы хайæдты.
темæмæ гæсгæ
