Йæхи сын бауарзын кодта йæ ирд рольтæй, аив сурæттæй, фæлæ, фыццаджыдæр, йæ фæлмæн зæрдæмæхъаргæ хъæлæсæй.
зæрдæмæ. Йæхи сын бауарзын кодта йæ ирд рольтæй, аив сурæттæй, фæлæ,
фыццаджыдæр, йæ фæлмæн зæрдæмæхъаргæ хъæлæсæй. Ныр дæр ма аивадуарзджытæ
зæрдиагæй байхъусынц, цæстыгагуыйау хъахъхъæд чи цæуы, уыцы
радиоспектакльтæм. Мерденты Юрийы цардыл афæлгæст Моргуаты Ладæ.
Цалдæр фæлтæры кæй сфæлдыстадон куыстытыл схъомыл сты, уыцы курдиаты
хицау Мерденты Юрийы бахъуыды кодтой куыд актер, аив дзырды дæсны æмæ
кинорежиссер. Цæгат Ирыстоны телерадиокомпанийæн бындур æвæрд куы рцыд,
уæд йæ райрæзтмæ стыр æвæрæн чи бахаста, уыдонæй иу уыд Юрий дæр.
Уыцы рæстæгмæ Мерденты Юрийы стъалы ирдæй сыгъд ирон æмæ уырыссаг
театрты сценæйы. Сарæзта дзы 150 сурæтæй фылдæр. Дзамболаты роль
«Фатимæ»-йы, Бароны роль пьесæ «Царды бын»-ы, Чеховы «Æртæ хо»-йæ
Кулагины сурæт, Дадианийы Искрайы та ахъазыд Сталины роль æмæ уый фæстæ
йын лæвæрд æрцыд Уæрæсейы сгуыхт артисты ном. Ахæм кады аккаг чи сси,
уыдонæй Юрий уыд æппæты æрыгон дæр. Цыд ыл 27 азы. Ноджыдæр ма иу
историон цаумæ Юрий бахаста æвæрæн. Шекспиры пьесæ «Тимон Афинаджы»
Алеманты ролы фæстæ хорзæхгонд æрцыд Станиславскийы паддзахадон премийæ.
Уый уыд стыр культурон цау æнæхъæн республикæйæн.
Хуыцауæй лæвæрд куырдиат уыд æгæрон, æмæ йæ æнæвгъауæй лæвар кодта
адæмæн, уой театрдзаутæ, киноуарзджытæ æви телевизормæ кæсджытæ.
Дæсныйадæвдисæг ахуыртæ сæрмагондæй нæ арæзта, фæлæ дзы уæддæр истой
дæнцæг.
Юрийы курдиат бирæвæрсыг уыд. Кæм нæ куыста, уым уагъта ирд фæд. Куыд
режиссер, афтæ систа 2 кино æмæ 5 документалон нывы. Уыцы азты техникон
уавæртæм гæсгæ æнцон нæ уыд, фæлæ йæ куыстытæ рæстæджы фæлмы нæ
баззадысты. Уæдæ хицæн ныхасы аккаг у йæ удыскъæфæг хъæлæс.
Аив дзырды дæсныйы хъæлæс кæй зæрдæйы нæ бацагайттаид, ахæм нæй. Мерденты Юрийы радиобакастытæ абон дæр хъахъхъæд цæуынц.
