Стыр æргом здахынц, йе нæниздзинад хъыгдард кæмæн у, уыцы сывæллæттæм
Уæлæмхасæн ахуырады республикон центр уæрæхдæр кæны йæ гæнæнтæ. Стыр æргом здахынц, йе нæниздзинад хъыгдард кæмæн у, уыцы сывæллæттæм. Лæппутæн æмæ чызджытæн бацæттæ кодтой инклюзивон ахуырады ног программæтæ. Фæлтæрдджын педагогты разамындæй кæстæртæн фадат ис дурынгæнæджы, нывкæнынады æмæ дизайны сусæгдзинæдтæ базонынæн. Æппæты кæстæртæн та кусы скъоламæ цæттæгæнæн хайад. Чехойты Фатимæйæн ныхасы бар.
Сæрдыгон каникултæ ахуыртæ нæ къуылымпы кæнынц. Уæлдайдæр та, уыдон нывкæнынадæй æмæ æрдæсныйады хуызтæй куы уой, уæд. Республикæй уæлæмхасæн ахуырады центрмæ æрбацæуынц, сæрдыгон лагерты сæ фæллад цы сывæллæттæ фæуадзынц, уыдон. Ам сын ис хорз фадат, иуырдыгæй, зæрдæмæдзæугæ сфæлдыстадон куыст базонынæн, иннæмæй та, рæстæг пайдаимæ *рвитынæн. Æрæджы се *нæниздзинад хъыгдард кæмæн у, уыцы сывæллæттæн сарæзтой 3 дæсныйадæвдисæг ахуыры. Лæппутæ æмæ чызджытæ фæуæрæхдæр кодтой сæ зонындзинæдтæ, фæлвæрдтой сæ курдиат равдисын.
Уæлæмхасæн ахуырады центры сфæлдыстадон иугондты ахæм уавæртæ сарæзтой, цæмæй йе *нæниздзинад хъыгдард кæмæн у, уыцы сывæллæттæй алчидæр æххæстæй раргом кæна йæ курдиат. Ахуыр сæ кæнынц сæрмагонд цæттæдзинад кæмæ ис, ахæм педагогтæ республикæйы реабилитацион центртæй. Алы сывæллонмæ дæр ис уарзон ахаст. Уыдон дæр цымыдисæй архайынц, фæлварынц сæхи уæлæмхасæн ахуырады алы къабæзты.
Республикæйы уæлæмхасæн ахуырады центр кусы национ проект «Фæсивæд æмæ сывæллæттæ» æххæстгæнгæйæ. Ног ахуыры азæй фæстæмæ йе *нæниздзинад хъыгдард кæмæн у, уыцы сывæллæттæн дзы фæзындзысты ног хайæдтæ: скъоламæ цæттæ æмæ фæсарæйнаг æвзæгтæ ахуыр кæныны, дефектологи, логопедИя, нывкæнынад æмæ моделировани.
Йе *нæниздзинад хъыгдард кæмæн у, уыцы сывæллæттæн сæ фадæттæ фæуæрæхдæр кæнын у нырыккон æхсæнады ахсджиагдæр нысантæй иу. Чызджытæ æмæ лæппутæн ахæм проекттæ æххуыс сты сæхи сфæлдыстады æмæ ахуырады алыхуызон къабæзты бафæлварынæн, алфамблай дунеимæ зонгæ кæнынæн, миддуне хъæздыгдæр кæнынæн.
