Сæ иу у Черкесскæй волонтер Наталья Пархоменко
Уæлахиз чи хæстæг кæны, уыцы æфсæддонтæн ахадгæ æххуыс кæнынц волонтертæ. Сæ иу у Черкесскæй волонтер Наталья Пархоменко. Цæгат Кавказы алы регионты йæ хъæппæрисæй ис, сæрмагонд æфсæддон операцийы уæлахиз чи хæстæгдæр кæны, уыдонæн æххуысы командæтæ. Ацы бонты та гуманитарон æххуыс æмбырд кодтой Уæллаг Бирæгъзæнджы Сыгъдæг Николайы аргъуаны цур хæрзаудæн хæдзар «Ромашка»-йы. Бынатмæ йæ фæхæццæ кæндзысты Адæмон фронты минæвæрттæ. Бæлвырддæр радзурдзæн Хъайтмазты Дзерассæ.
Иумæ хæстæг кæнынц уæлахиз. Хъæрæсе-Черкесийæ волонтер Наталья Пархоменко сæрмагонд æфсæддон операцийы райдианæй æмбырд кæны гуманитарон æххуыс хæстонтæн. Ныридæгæн куыста цалдæр регионы. Хъæрæсе-Черкеси, Стъараполы æмæ Краснодары крайтæ, Цæгат Ирыстон. Социалон хызтыуылты-иу ссардта бынæттон волонтерты. Иумæйаг хъарутæй æмбырд кодтой гуманитарон æххуыс.
Сыгъдæг Николайы аргъуаны цур хæрзаудæн хæдзар «Ромашка»-йы сарæзтой æппæт Алагиры районæй гуманитарон æххуыс æмбырд кæныны пункт. Адæмон фронты минæвæрттæ сæрмагонд æфсæддон операцийы зонæмæ ратдзысты хойраджы продукттæ, хъарм дзаумæттæ, стæй маскировкæгæнæн хызтæ.
Ацы хъуыддагмæ се *ххуысы хай бахастой Алагиры 5-æм скъолайы ахуырдзаутæ дæр. Сывæллæттæ хæстонтæн бацæттæ кодтой Ног азы арфæтимæ фыстæджытæ, аппликацитæ æмæ хойрæгтæ. Сæ фыстæджыты скъоладзаутæ загътой бузныг æфсæддонтæн сæ хъæбатырдзинады тыххæй.
Гуманитарон æххуыс фæхæццæ кæндзысты адæмон фронты проект «Алцыдæр уæлахизæн» æххæстгæнгæйæ.
Хæстæгдæр бонты адæмон фронты минæвæрттæ гуманитарон æххуысы ног парти, стæй ма цалдæр автомобилы фæхæццæ кæндзысты сæрмагонд æфсæддон операцийы зонæмæ.
