1942-æм азы августы кæрон Цæгат Ирыстоны территорийы немыцаг æфсæдтимæ уыд æгъатыр тох
Уæлахизы фæзы республикæйы сæйраг сахар хъахъхъæнджыты цыртдзæвæн у, регионалон нысаниуæг кæмæн ис, ахæм культурон хæзнаты объект. 1942-æм азы августы кæрон Цæгат Ирыстоны территорийы немыцаг æфсæдтимæ уыд æгъатыр тох. 25-æм октябры знаг бырста Дзæуджыхъæумæ, йæ нысан уыди горæт бацахсын æмæ Фæскавказмæ бахæццæ уæвын. Фæлæ, Сырх Æфсады 9-æм æмæ 37-æм хæйттæ, бынæттон цæрджыты æххуысæй æнтыстджынæй ныхкъуырд радтой немыцæн. 1942-æм азы ноябры Советон æфсæдтæ гитлеронты ныппырх годтой горæтмæ хæстæг, Джызæлы, Майрæмададжы, Санибайы æмæ знаджы Орджоникидземæ хæстæг не рбауагътой. Уый уыди Советон Цæдисы сæйраг æмæ кæройнаг арæн. Уыцы цауты 30 азы кадæн легендарон танк «Т-34» 1972-æм азы 12-æм декабры æвæрд æрцыди Уæлахизы фæзы. Афтæмæй, горæты ацы бынат сси хъæбатырдзинады æмæ ныфсхатдзинады символ.
