Æфсадмæ сидыны кампани цæуы дарддæр
Уæрæсейы æфсады рæнхъытæм Цæгат Ирыстонæй араст уыдзæни мин адæймагмæ хæстæг. Æфсадмæ сидыны кампани цæуы дарддæр. Фыццаг къорды ис 300 адæймаджы, ныридæгæн сæ арвыстой се фсæддон хæйттæм. Ныр сæм æнхъæлмæ кæсы царды ног къæпхæн. Коронавирусы тыххæй ивгъуыд азы майæ фæстæмæ Уæрæсейы æфсадмæ сидыны пунктты ис ногдзинæдтæ. Сиддонты æнæниздзинад сбæрæг кæнынц сæрмагонд пъалаткæты. Бæрæггæнæнтæ бæрæг вæййынц 20 минуты фæстæ. Тест æвæрццæг кæмæн разына, уыдонæн сæ хъуыддаг аргъæвдзысты фæстæдæрмæ. Фæлæ дзы ныр ахæмтæ нæ разынди. Зноны студенттæ æмæ скъоладзаутæн се нæниздзинадмæ фиппаинæгтæ не рхастой. Джыккайты Ацæмæз æфсæддон комиссарадмæ бацыдис йæхи гъдауæй. Йæ хъуыдымæ гæсгæ, æфсады службæ нырыккон царды у æнæмæнг хъæугæ. Кæд раздæр Цæгат Ирыстонæй сиддонты бæрц нормæмæ нæ хæццæ кодта, уæд ныр уавæр цæхгæр аивта. Ацы къордæй 40 адæймаджы службæ кæндзысты, Уæрæсейы хъахъхъæнынады Национ гвардийы æфсæдты. Æфсадмæ сидыны кампанийы кæронмæ ма Ирыстонæй æрвыст æрцæудзæни 700 лæппуйы онг.
