Уый фадат ратдзæн, 14 азæй – 22 азы онг кæуыл цæуы, уыцы фæсивæдæн культурæ æмæ аивадмæ фæхæстæгдæр уæвынæн
Уæрæсейы æххæст кæнын райдыдтой программæ «Пушкинская карта». Уый фадат ратдзæн, 14 азæй – 22 азы онг кæуыл цæуы, уыцы фæсивæдæн культурæ æмæ аивадмæ фæхæстæгдæр уæвынæн. Программæмæ гæсгæ райсæн уыдзæн банчы сæрмагонд картæ, æмæ йыл уыдзæн 3000 сомы. Уыцы фæрæзтæй афæдзы дæргъы балхæнæн уыдзæн билеттæ театртæм, музейтæм æмæ филармонитæм. Картæ райсыны тыххæй хъæуы сæрмагонд уæлæмхасæн фæрæз «Госуслуги.Культура»-мæ бацæуын, æмæ уым регистраци скæнын. Пластикон хуызы йæ райсæн уыдзæн октябры Почта Банчы хайæдты. Цæгат Ирыстоны уал уыцы программæйы бацархайдзæн Евгений Вахтанговы номыл Уырыссаг академион театр. Уæвгæ та картæйæ спайда кæнæн уыдзæн Уæрæсейы алы рæтты. Проект «Пушкинская карта» расидти Уæрæсейы Хицауад. Царды йæ рауадзынæн та радих кодтой 4 миллиард сомы онг.
