Республикæйы барадхъахъхъæнæг оргæнты кусджыты раз раныхас кодта уæрæсейаг политолог Сергей Македонов
Уæрæсейы ахастытыл скæсæйнаг бæстæтимæ дзырдтой, проект «Ахуырад. Паддзахад» æххæстгæнгæйæ цы лекци арæзт æрцыд, уым. Республикæйы барадхъахъхъæнæг оргæнты кусджыты раз раныхас кодта уæрæсейаг политолог Сергей Македонов. Уый куыд фехъусын кодта, афтæмæй дунейы фæстаг азты скæсæйнаг бæстæты ахадындзинæдтæ бæрзонддæр кæнынц. Фæзындысты ног геополитикон бастдзинæдтæ. Эксперт загъта, Уæрæсе бирæ конфессионалон бæстæ кæй у, уый. Кæй дзы ис цалдæр пысылмон диныл хæст республикæйы, æмæ дзы буддисттæ дæр кæй цæры, уый. Уымæй æвдыст цæуы бæстæйы историон уидæгты иудзинад Скæсæны рæгионимæ. Уæрæсе активонæй аразы стратегион бастдзинæдтæ скæсæйнаг бæстæтимæ.
