21 ноября 2023, 11:14
Уæрæсейы аивæдты академийы хуссар регионалон хайадыл 15 азы кæй сæххæст, уый фæдыл Тугъанты Махарбæджы номыл музейы байгом равдыст
Экспозицийы фенæн ис нывкæнынады, графикæйы, скульптурæйы æмæ декоративон æрмдæсныйады куыстытæ
Уæрæсейы аивæдты академийы хуссар регионалон хайадыл 15 азы кæй сæххæст, уый фæдыл Тугъанты Махарбæджы номыл музейы байгом равдыст. Экспозицийы фенæн ис нывкæнынады, графикæйы, скульптурæйы æмæ декоративон æрмдæсныйады куыстытæ. Академийы архайынц, УФ-йы Хуссар æмæ Цæгат – Кавказы федералон зылды цы графиктæ, скульптортæ æмæ æндæр специалисттæ цæрынц, уыдон. Кусынц ахуырадон – методикон æрмæджытыл, аразынц дæсныйадæвдисæг ахуыртæ, архайынц наукон – практикон конференциты, хъахъхъæнынц академион скъолайы традицитæ. Равдыстмæ бакæсыны фадат уыдзæн дыууæ къуырийы, уый фæстæ та йæ аласдзысты æндæр горæтмæ.

темæмæ гæсгæ