Концертон программæ, быдырон цæлгæнæн, сæрмагонд техникæйы равдыст.
Уæрæсейы бастдзинады æфсæдтæ сбæрæг кодтой сæ равзæрды 100 азы юбилей.
Концертон программæ, быдырон цæлгæнæн, сæрмагонд техникæйы равдыст. 58-æм æфсады хайæдты сæргълæуджытæ схорзæхджын кодтой сæ дæсныйады хуыздæрты. Уыимæ ма бастдзинады кусджыты номыл хъуысыдысты арфæйы æмæ сæ дарддæры зæрдиаг куысты ныхæстæ. Юбилейы куыд фæбæрæг кодтой, афтæмæй æфсæддон хæс цæмæй æххæстгонд æрцæуа, уымæй бирæ аразгæ у бастдзинады æфсады архайдæй. Уыдоны куыст бæрзонд æмвæзадыл куы нæ уа, уæд сæрмагонд операцийæн дæр саразæн нæй. Уæрæсейы бастдзинады æфсæдтæ кусынц гæрзифтонг хъаруты æртæ хуызы къабазы дæр – Æфсады, денджызон флоты æмæ æфсæддон-уæлдæфон тыхты. 100 азмæ бастдзинады гæнæн æмæ мадзæлттæ иу æмæ дыууæ хатты ивд не рцыдысты. Ныр бастдзинады æмæ æфсæддæн разамынд дæттыны системæтæ сты тынг бæрзонд æмвæзадыл.
