Туристты æнцойдзинадæн Ростуризмы æмæ æппæтуæрæсеон адæмон фронт байгом кодтой туристты фарстаты фæдыл колл-центр
Уæрæсейы дарддæр æххæстгонд цæуы бæстæйыл балцы цæуыны программæ. Туристты æнцойдзинадæн Ростуризмы æмæ æппæтуæрæсеон адæмон фронт байгом кодтой туристты фарстаты фæдыл колл-центр. Номер уынут уæ экрантыл. Комкоммæ лини кусы 8 сахатæй 20 сахаты онг. Туристтæм æнхъæлмæ кæсы 2 милуан гæнæны. Ацы азæн проект царды рауадзынæн национ программæйы проектмæ гæсгæ, ацы хъуыддæгтæн дихгонд æрцæудзæн 5 миллиард сомы. Программæйы уавæртæ сты раздæры хузæн. Туристæн йæ картæмæ фæстæмæ барвитдзысты туры аргъæн йæ 20%, æппæты фылдæр 20 мин сомы. Балцæн бафидæн ис æрмæстдæр картæ МИР-æй. Ацы программæ баст у туристы ргом здахынимæ, стæй туристон бизнесы рæзтимæ. Фароны азы райдианæй нырмæ дзы спайда кодтой 1 милуан æмæ 7 сæдæ адæймаджы. Сæ картæтæм сын фæстæмæ барвыстой 6 миллиарды æмæ рдæг. Туристон кешбэкы программæйы фæрцы туристон балцтæ уæй кæныны фæтк сног. Тур балхæнын, кæнæ уазæгуаты цæрыны гæнæн балхæнæн ис 12-æм апрелы онг. Туристон путевкæйæ спайда кæнæн ис 30-æм апрелы онг. Фæстаг рæстæг фылдæр парахат кæны, круизтæ кæй хонынц, ахæм фæлладуадзыны хуыз. Уыдонæй та спайда кæнæн ис майы кæронмæ. Уый тыххæй та фехъусын кодта Ростуризмы разамонæг Дыгъуызты Зæринæ.
Регионалон экспертты бæрæггæнæнтæ куыд амонынц, афтæмæй прогаммæйæн ис стыр социалон-экономикон ахадындзинад. Проект раздæхта, раздæр йæ фæлладуадзæн рæстæг бæстæйы арвитынмæ чи хъавыди, ахæм туристты ргом дæр. Стæй, баххуыс регионты экономикæйы рæзтæн дæр. Уымæй уæлдай, адæм фылдæр се ргом аздæхтой экотуризммæ, активон фæлладуадзыны хуызмæ, круизтæм æмæ культурон балцытæм. Программæ хорзырдæм фæзынди гыццыл æмæ астæуккаг бизнесыл дæр.
