Уый фæдыл указ бафыста республикæйы сæргълæууæг Сергей Меняйло
Уæрæсейы экономикон райрæзты министрады минæвæрттæ хорзæхгонд æрцыдысты Цæгат Ирыстоны хæрзиуджытæй. Уый фæдыл указ бафыста республикæйы сæргълæууæг Сергей Меняйло. «Ирыстоны Намысы» майдантæ саккаг кодтой бæстæйы экономикон райрæзты министры хæдивæг Сергей Назаровæн, Цæгат Кавказы федералон зылды социалон-экономикон райрæзты паддзахадон программæ æххæст кæныны департаменты директор Камиль Бексултановæн æмæ Цæгат Кавказы федералон зылды социалон-экономикон райрæзты департаменты директор Игорь Храновскийæн. Хæрзиуджытæ Мæскуыйы радта Цæгат Ирыстоны Хицауады сæрдар Дзанайты Барис. Премьер сын раарфæ кодта, республикæйы ахсджиаг фарстатæ лыг кæныны хъуыддаджы алывæрсыг æххуыс кæй кæнынц, уый фæдыл.
