Бабæрæг кодтой фæлладуадзæн бынæттæ
Хорз боны ахаст ууыл дзурæг нæу, æмæ адæм се нæниздзинадæн тæссаг уавæртæ саразой. Уæрæсейы фæлхасадмæ цæстдарæн управленийы æмæ республикæйы мидхъуыддæгты министрад сарæзтой иумæйаг рейд. Бабæрæг кодтой фæлладуадзæн бынæттæ.
Сбæрæг кодтой, бирæтæ хи иппæрды домæнтæ кæй не ххæст кодтой, уый. Ацы хатт рейд арæзт уыд Фыййагдоны. Нæ республикæйы сæргълæууæджы уынаффæмæ гæсгæ 9-æм майæ кусыны бар уыд æрмæстдæр фысымуаты лæггæдтæ чи кæны, уыдонæн. Фæндаджы былгæрæтты цы хæрæндæттæ ис, уыдоны бон та уыд æрмæстдæр цæттæ хæринаг хæццæ кæнын.
Æмбарынгæнæн куыст цыд фæлладуадзæг адæмимæ дæр, сæ зæрдыл сын æрлæууын кодтой, пандемийæйы рæстæг куыд ахсджиаг у хи иппæрды домæнтæ æххæст кæнын. Ахæм рейдтæ арæзт цæудзысты дарддæр дæр. Фæдзурдзысты бынæттон администрацийы минæвæрттæм дæр.
