Районы культурæйы Галуаны равдыста спектакль – ирд трагикомеди «Гиперболоид инженера Гарина»
Уæрæсейы гвардийы театр гастрольты уыд Мæздæджы. Районы культурæйы Галуаны равдыста спектакль – ирд трагикомеди «Гиперболоид инженера Гарина». Сæвæрдтой йæ Алексей Толстойы зындгонд романы мотивтæм гæсгæ. Постановкæ баиу кодта курдиатджын профессионалты командæйы уæнгты. Сæ разамонæг у Уæрæсейы сгуыхт артист æмæ Уæрæсейы гвардийы театры разамонæг Юрий Брешин. Алы эпизод дæр аивадуарзджытæм гуырын кодта арф æнкъарæнтæ адæймаджы миддунейы тыххæй. Уæлдай атмосферæ та арæзтой нырыккон рухсгæнæн эффекттæ. Уыдон ирддæр кодтой сценæйы сюжет æмæ æмбарынад. Артисттæн балæвар кодтой тыхджын къухæмдзæгъд, ахæм æнкъарæнтæ сын кæй балæвар кодтой, уый тыххæй. Трагикомедийы фæстæ театрдзаутæ æмдзæгъд кодтой лæугæйæ. Уæрæсейы гвардийы Мæздæджы дæлхайады разамынды номæй театры аивадон разамонæгæн радтой арфæйы гæххæт.
