Йæ сабибонтæй фæстæмæ уый фæндыд æфсæддон суæвын
Фæзминаг фырт, цардæмбал æмæ ныййарæг… Ахæм у нæ дарддæры сюжеты хъайтар Абайты Юрий. Уыдис æм иу бæллиц – æфсæддон суæвын, æмæ йын сæххæст. Арæхстджынæй хъахъхъæны Фыдыбæстæ сæрмагонд æфсæддон операцийы зонæйы, у батальоны командæгæнæг. Йæ хъæбатырдзинады тыххæй йæ схорзæхджын кодтой Суворовы номыл майданæй, Лæгдзинады æмæ Хъæбатырдзинады ордентæй. Не мзæххон хъайтары царды тыххæй бæлвырддæр радзурдзæн Тъехты Элинæ.
Йæ сабибонтæй фæстæмæ Абайты Юрийы фæндыд æфсæддон суæвын. Фыццаг ахуыр кæнынмæ бацыд Цæгат Кавказы Суворовон училищæмæ. Уый фæстæ та Мæскуыйы уæлдæр командон институтмæ. Каст æй куы фæци, уæд æй арвыстой дард Хурыскæсæнмæ, уый фæстæ та службæ кодта Цæцæны. Сæрмагонд æфсæддон операци куы нæма райдыдта, уæд Юрий командировкæйы уыд Сирийы, уырдыгæй æфсæддон офицер ацыд Украинæмæ. Сси 71-æм полчы 1-æм батальоны командæгæнæг.
«Къамбец» ахæм у Юрийы фæсномыг. Йæ амындмæ гæсгæ батальон йæ тыхтæ сарæзта Запорожьйæйы рдæм. Уым фæуæлахиз знагыл. Абайты Юрийы балæвæрдтой Уæрæсейы хъайтары ном райсынмæ. Куыд зæгъы, афтæмæй знагимæ хæцгæйæ бирæ зындзинæдтæ бавзæрстой. Тох цыд цалдæр боны. Фæлæ не фсæддонтæн уыд хуыздæр цæттæдзинад – зæгъы «Къамбец».
Абайты Юрийы йе фсæддон сгуыхтдзинæдты тыххæй схорзæхджын кодтой Суворовы номыл майданæй, Лæгдзинады æмæ Хъæбатырдзинады ордентæй. Юрийæн ис цардæмбал æмæ дыууæ сывæллоны. Куыд зæгъы, афтæмæй хæдзары арæх кæй нæ вæййы, уыл бинонтæ ахуыр сты. Æмæ сæм йæ зæрдæ куы нæ хсайа, уæд ын тохы быдыры дæр æнцондæр уыдзæн – зæгъы Юрий.
Ацы къуыри Юрий ногæй ацæудзæн æфсæддон операцийы зонæмæ. Хъахъхъæндзæн Фыдыбæстæ. Мах та йæ фидарæй зонæм, ирон нæлгоймаджы ном дæлæмæ кæй не руаддзæн, уый.
