29 августа 2019, 17:10
Уæрæсейы хъæууон хæдзарады министр Дмитрий Патрушев æмæ Цæгат Ирыстоны сæргълæууæг Битарты Вячеслав æрныхас кодтой къабазы райрæзтыл
Федералон министр кусæг балцы ссыди нæ республикæмæ. Бабæрæг кодта Архонкæйы станицæйы дыргъдæттæ.
Уæрæсейы хъæууон хæдзарады министр Дмитрий Патрушев æмæ Цæгат Ирыстоны сæргълæууæг Битарты Вячеслав æрныхас кодтой къабазы райрæзтыл, стæй паддзахадон æххуысы программæйыл.
Федералон министр кусæг балцы ссыди нæ республикæмæ. Бабæрæг кодта Архонкæйы станицæйы дыргъдæттæ. Ам зайын кæнынц фæткъуыты 6 хуызы. Ныссагътой сæ 520 гектарыл. Куыстуат йæ продукци парахат кæны куыд нæ республикæйы, афтæ йæ рвиты æндæр регионтæм дæр. Джызæлы та куыстуат «Фат-Агро»-йы Дмитрий Патрушевæн равдыстой картофы ног мыггæгтæ. Бацагуырдтой сæ суанг фæсарæйнаг хъæууон хæдзарады кусджытæ дæр. Ам ма ис, 6 мин тоннæйы картоф кæм дарой, ахæм бынат дæр.
темæмæ гæсгæ