Ногдзинадмæ гæсгæ, гом артæй нал ис пайда кæнын хæдзæртты, æмдзæрæнты, уазæгуатты æмæ балкъонты.
Уæрæсейы абонæй фæстæмæ бирæфатерон хæдзæртты балкъонтыл нал уаддзысты физонджытæ кæнын æмæ мыдадзын цырæгътæ судзын.
Бæстæйы Хицауады сфидар кодтой æнæнхъæлæджы цауты министрад зынгхуыссынгæнæн системæмæ цы ивддзинæдтæ бахаста, уыдон. Амынд ма дзы сты фатерты, æмдзæрæнты æмæ фысымуæтты арт кæнæн кæй нæй, æмæ æгъдаухалалджытæ ивар кæй цæудзысты, уый. Ногдзинæдтæ уыдзæн медицинон куыстуæтты æмæ кинотеатрты дæр. Нырæй фæстæмæ, кинойы радиан адæмæн хъуамæ скæной зынгсирвæзты рæстæг, кæнæ бæстыхайы фæздæгæй улæфт куы нал уа, уæд хи куыд дарын хъæуы, æмæ æдас бынатмæ куыд рацæуын хъæуы, уыцы мадзæлтты тыххæй инструктаж. Кинотеатрты ма 29-æм октябрæй фæстæмæ сæ тыхы бацæудзысты æндæр ивддзинæдтæ дæр. Зæгъæм, кассæты кусджытæм уыдзæни адæймагæй йæ паспорт бацагурыны бар.
