Законæвæрджытæ раныхас кодтой алывæрсыг докладтимæ
Адæймаджы бартæ æмæ сæрибардзинад. Уæрæсейы Конституцийы Бон республикæйы Парламенты арæзт æрцыд наукон-практикон конференци. Законæвæрджытæ раныхас кодтой алывæрсыг докладтимæ. Фæлæ се ппæт дæр баст уыдысты нæ бæстæйы сæйраг закъоны ахадындзинадимæ. Алы адæймаджы царды дæр ахсы ахсджиаг бынат. Мадзалы архайджытæ куыд бафиппайдтой, афтæмæй 30 азы размæ кæй сфидар кодтой, уыцы Конституци бындур сæвæрдта хъæугæ процесстæн. Уыдоны фæрцы нæ бæстæйæн бирæ бантыст. Экономикæ, æнæниздзинадхъахъхъæнынад, культурæ… Алы къабазы дæр стыр æнтыстдзинæдтæ. Парламенты сæрдар Тускъаты Таймураз куыд бафиппайдта, афæтæмæй ам бир аразгæ уыд, 30 азы размæ сæйраг закъоныл чи куыста, æмæ нæ бæстæйы рæзтыл чи архайдта, уыцы адæмæй.
