Уазджытæн бацæттæ кодтой наукон æнтыстдзинæдты тыххæй равдыст
Уæрæсейы наукæты академийы дзæуджыхъæуккаг наукон центр бæрæг кæны йæ 25 азы бон. Уыимæ баст кадджын мадзæлттæ арæзт æрцыдысты Паддзахадон Филармонийы. Уазджытæн бацæттæ кодтой наукон æнтыстдзинæдты тыххæй равдыст. Ахуыргæндтæн кады гæххæттытæ радта Парламенты Сæрдар Алексей Мачнев. Стæй сын раарфæ кодта Хуссар Ирыстоны президент Бибылты Анатолий. куыд загъта, афтæмæй сæ фæндид Хуссар Ирыстоны Дзæуджыхъæуы наукон центры филиал байгом кæнын. Уый хуыздæрырдæм фæзынид наукон æхсæнадты иумæйаг архайдыл. Æппæт уазджытæн сæ курдиат балæвар кодтой æмæ юбилейон изæр барæсугъд кодтой Мариинаг театры филиалы симфонион оркестр. Дирижеры пульты раз уыд Гугкаты Зауырбег. Оперон партитæ та азарыд Мария Баянкина.
