28 ноября 2024, 10:35
Уæрæсейы паддзахадон гербы боны агъоммæ, Дзæуджыхъæуы 41-æм скъолайы арæзт æрцыд ацы темæимæ баст гом урок
Йæ саразыныл бакуыста Адæмон фронты фæсивæдон къорды координатор Акъоты Батраз. 7-æм къласы ахуырдзаутæн радзырдта, нæ паддзахады герб, гимн æмæ тырыса куыд арæзт цыдысты, уый тыххæй. Уымæй дарддæр сын бацæттæ кодта тематикон презентаци, стæй сæ базонгæ сæйраг закъон – Уæрæсейы Конституциимæ. Лæппутæ æмæ чызджытæ цымыдисæй хъуыстой ахсджиаг хабæрттæм. Фæстæдæр та архайдтой сæрмагонд викторинæйы. Уым равдыстой сæ арф зонындзинæдтæ. Зæгъдзыстæм ма уый дæр, æмæ гом урок арæзт æрцыд «Иумæйаг архайды бон» æххæст кæнгæйæ. Сæйраг нысан – рæзгæ фæлтæрмæ райгуырæн бæстæмæ уарзондзинад гуырын кæнын. Мадзал ацыд скъолайы советы хъæппæрисæй æмæ Адæмон фронты æххуысæй.
