Ахсджиаг ма уый уыд, æмæ Владимир Путин ныхас кодта куыд бæстæйы ныртæккæйы разамонæг, стæй куыд президенттæм кандидат, афтæ
Куыд зонут, афтæмæй Уæрæсейы Президент æрвылазон ныстуанимæ фæсидт Федералон Æмбырдмæ. Йæ ныхас цыди 2 сахатæй чысыл фылдæр. Ахсджиаг ма уый уыд, æмæ Владимир Путин ныхас кодта куыд бæстæйы ныртæккæйы разамонæг, стæй куыд президенттæм кандидат, афтæ. Лæмбынæг æм байхъуыста нæ уацхæссæг Хъайтмазты Дзерассæ, æмæ йын бакæсæм йæ сюжетмæ.
Уæрæсейы адæмы æнусон æнгомдзинад æмæ иудзинад у алцæуылдæр уæлахизгæнæн тых. Владимир Путин йе *рвылазон ныстуан Федералон Æмбырдмæ райдыдта сæрмагонд æфсæддон операцийы темæйæ. Президент бузныг загъта, иумæйаг уæлахизмæ йе *вæрæн чи хæссы, уыдонæн. Сæрмагондæй – хæстонтæн, стæй сын фæсчъылдым чи æххуыс кæны, уыдонæн. Акцитæ «Мах иумæ» æмæ «Алцыдæр уæлахизæн» баиу кодтой милуангай адæмы. Ахадгæйæ æххæстгонд цæуынц Цæгат Ирыстоны дæр.
Йæ ныстуаны президент стыр æргом аздæхта мидполитикæмæ. Бирæсывæллонджын бинонтæ хъуамæ суой паддзахадон стратегийы ориентир, загъта Владимир Путин. Абон ис риссаг фарстатæ. Сæ хыгъды – чысыл æфтиæгтæ. 2030-æм азмæ Уæрæсейы мæгуырдзинады æмвæзад хъуамæ суа 7 процентæй ныллæгдæр, бирæсывæллонджын бинонты *хсæн та фæкъаддæр уа – 2 хаттæй фылдæр. Ацы хъуыддаджы стыр æххуыс уыдзæн ног национ проект «Бинонтæ».
Ноджыдæр ма иу ног нацпроект «Кадртæ». Йæ сæйраг нысан у, цæмæй абоны рæзгæ фæлтæр фидæны суой дæсны специалисттæ алы къабæзты. Уый тыххæй хъуамæ æнгом бастдзинад уа ахуырады алы æмвæзадтыл – скъолайæ уæлдæр ахуыргæнæндæтты онг.
«Земский работник культуры», сывæллæтты рæвдауæндæтты бындурон цалцæджы программæ, проекттæ «Экономика данных», «Дæргъвæтин æмæ активон цард». Президенты ныстуан цыд 2 сахатæй фылдæр. Уый раздæры азтæй у се ппæтæй дæргъвæтиндæр. Уыцы рæстæгмæ сбæрæг кодта бæлвырд нысантæ æмæ хæстæ. Æххæстгонд цæудзысты 2030-æм азмæ. Сæ сæйраг хъуыды та, æнæмæнг, у бæстæйы позицитæ фæфидардæр кæнын æмæ адæмы цард фæхуыздæр кæнын.
