Мадзалы архайдтой Президенты æххæстбарджын минæвары аппараты Цæгат Кавказы федералон зылды сæйраг федералон инспектор Цæгат Ирыстоны Сергей Гончаров, академийы директоры хæдивæг Евгений Подшивалов
Уæрæсейы Президенты цур адæмон хæдзарады æмæ паддзахадон службæйы академийы регионалон хайад байгом Дзæуджыхъæуы. Мадзалы архайдтой Президенты æххæстбарджын минæвары аппараты Цæгат Кавказы федералон зылды сæйраг федералон инспектор Цæгат Ирыстоны Сергей Гончаров, академийы директоры хæдивæг Евгений Подшивалов. Уазджытæн раарфæ кодта республикæйы хицауады сæрдар Дзанайты Барис. Куыд загъта, афтæмæй Ирыстонæн уый у ахсджиаг цау. Регионалон минæварад уæлæмхасæн фадат дæтты муниципалон æмæ паддзахадон хицауады профессионалон разамындæн. Евгений Подшивалов бузныджы ныхæстæ загъта республикæйы разамындæн, ахæм минæвæрад байгом кæнын кæй бантыст, уый тыххæй. Ахæм къахдзæф фæфидардæр кæндзæн дыууæвæрсыг æмгуыстады рæзт. Регионалон хайадæн разамынд дæтдзæн Хъулаты Аннæ. Раздæр уыд Цæгат Ирыстоны ахуырады æмæ наукæйы Министрады цæстдарды хайады сæргълæууæг. Экспертон æмæ ахуыргæнджыты коллективмæ бацæудзысты мæскуыйаг кампусы æмæ академийы филиалты педагогтæ. Президентон академийы регионалон хыз у æппæтæй егъаудæр, Уæрæсейы уæлдæр ахуыргæнæндæтты хсæн. Ис ын 47 филиалы æмæ 3 минæварады нæ бæстæйы 45 субъекты.
