филиал вгтрк государственная телерадиовещательная компания “Алания”

Уæрæсейы рухстауынады министрад сфидар кодта иумæйаг паддзахадон фæлварæны боны фæтк 2023 азæн. Сæрмагонд бардзырд ныммыхуыр кодтой барады информацийы порталы. Документмæ гæсгæ фæлварæны сæйраг къæпхæн уыдзæнис 26 майæ 20 июнмæ. 26 майы рауагъдонтæ дæтдзысты географи, литературæ æмæ хими. 29 майы – уырыссаг æвзаг, 1 июны – математикæ, 5 июны истори æмæ физикæ, 8 июны æхсæнадзонынад, 13, 16 æмæ 17 июны фæсарæйнаг æвзæгтæ, 19 æмæ 20 июны информатикæ. Фæлварæнæй æвзæр бæрæггæнæн чи райса, кæнæ та йæ бон æрбацæуын кæмæн не сси, уыдонæн уыдзæнис уæлæмхасæн бонтæ 12 апрелæй 19 сентябырьмæ. Ивгъуыд азты рауагъдонтæн фæлварæнтæ уыдзысты 20 мартъийæ 1 июльмæ.