Сæйраг парад арæзт æрцыд Санкт-Петербурджы æмæ Кронштадты. Архайдтой дзы Хъаспийы флотилийы æмæ Æфсæддон-денджызон флоты наутæ. Æдæппæтæй 43 науы, 4 мин æфсæддонæй фылдæр æмæ ма 41 уæлдæфон науы дæр. Се хсæн дæлдон нау «Владикавказ»
Уæрæсейы сбæрæг кодтой æфсæддон-денджызон флоты бон. Сæйраг парад арæзт æрцыд Санкт-Петербурджы æмæ Кронштадты. Архайдтой дзы Хъаспийы флотилийы æмæ Æфсæддон-денджызон флоты наутæ. Æдæппæтæй 43 науы, 4 мин æфсæддонæй фылдæр æмæ ма 41 уæлдæфон науы дæр. Се хсæн дæлдон нау «Владикавказ». Ацы аз æй рацарæзтой, æмæ сси æнæуынæр дæлдон нау. Сифтонг ма йæ кодтой ракетæтæй «Калибр». Дæлдон нау «Владикавказ» 3 азы фæд-фæдыл нымад æрцыд хуыздæртæй иуыл, æмæ архайы Кронштадты æфсæддон-денджызон флоты парады. Йæ экипажæн раарфæ кодта Цæгат Ирыстоны сæргълæууæг Битарты Вячеслав. Арфæйы тел дæлдон науы командæгæнæг, дыккæгæм рангы капитан Андрей Ковалевæн кадджын уавæры радтой нæ республикæйы минæвæрттæ Цæгат Ныгуылæн федералон зылды. Дæлдон нау «Владикавказа»-ы истори райдыдта 1988-æм азы, фæлæ уыцы ном хæссын райдыдта 10 азы фæстæ. Уæд Республикæ Цæгат Ирыстон-Аланийы Хицауад бафыста бадзырд. Уымæ гæсгæ бæрнон цæстдард цæуы нæ республикæйы администрацийы æмæ дæлдон науы экипажы рдыгæй.
