Намысы аллейæйы активисттæ сæ интернационалон хæс æххæстгæнгæйæ чи фæмарди, уыцы салдæтты ингæнтыл сæвæрдтой дидинджытæ æмæ веноктæ
«Æгас цу, Уæрæсейы салдат». «Уæрæсейы скъоладзауты змæлды» республикон хайады минæвæрттæ архайдтой Фыдыбæстæ хъахъхъæнæджы боны кадæн патриотон акцийы. Намысы аллейæйы активисттæ сæ интернационалон хæс æххæстгæнгæйæ чи фæмарди, уыцы салдæтты ингæнтыл сæвæрдтой дидинджытæ æмæ веноктæ. Кæд боны ахаст хорз нæ уыд, уæддæр скъоладзаутæ æрбацыдысты æдзард æфсæддонты ном æрымысынмæ. Сывæллæтты сфæлдыстадон къордтæ 58-æм æфсады службæгæнджытæн бацæттæ кодтой концерт. Азарыдысты зындгонд æфсæддон æмæ эстрадон зарджытæ. Алцыдæр дзы баст уыди патриотон хъомыладимæ. Уый фæстæ службæгæнджытæн радтой 250 лæвары. Акцийы архайдта 150 адæймаджы.
