Сиддонты фыццаг къорды уæнгтæ ссыдысты нæ бæстæйы алы регионтæй
1-æм апрелæй фæстæмæ Уæрæсейы сног кодтой арæнхъахъхъæнæн æфсæдты службæмæ æрсидт. Сиддонты фыццаг къорды уæнгтæ ссыдысты нæ бæстæйы алы регионтæй. Рагагъоммæ ацыдысты æвзарæн къæпхæн. Æртæ мæйы сæхи цæттæ кодтой Мæскуыйы облæсты ахуырадон центрты. 2007-æм азæй фæстæмæ ахæм къорд сæмбырд кодтой фыццаг хатт. Ныртæккæ сиддонтæ зонгæ кæнынц Цæгат Ирыстоны историимæ. Фидараты Маринæ радзурдзæн бæстондæр.
Бæлвырд æмæ раст. Ацы лæппутæн æртæ мæйы уыди райдиан æфсæддон цæттæдзинады рæстæг. Ныртæккæ та райдайдзæн сæ царды ног къæпхæн – æфсæддон службæ. Нæ республикæмæ Фыдыбæстæ фидæны хъахъхъæнджытæ ссыдысты Мæскуыйы облæстæй. Куыд зæгъынц, афтæмæй Цæгат Ирыстон бауарзтой фыццаг минуттæй фæстæмæ.
Арæнхъахъæнæн æфсæдты службæ кæнын ацы лæппутæ стыр кадыл нымайынц. Рагагъоммæ ацыдысты æвзарæн къæпхæн. Нырæй фæстæмæ хъахъхъæндзысты нæ бæстæйы арæнтæ. Æмæ уыцы хæстæ æххæст кæнынмæ сты цæттæ.
1-æм апрелæй фæстæмæ йæ куыст сног кодта арæнхъахъхъæн æфсæдты оргæнты службæ. Кандидаттæ æфсæддон комаиссарадты ацæуынц æвзарæн къæпхæнтæ. Сиддонтæм вæййы карз домæнтæ. Куыд спортивон цæттæдзинадæй, афтæ адæймаджы миниуджытæй дæр.
Службæйы кæрон алчидæр ацæудзæн йæхи цардвæндагыл. Фæлæ чи зоны, æмæ ацы лæппутæй искæйы бафæнддзæн арæнхъахъхъæнæн управленийы рæнхъыты уæвын æмæ Фыдыбæстæйы сæраппонд кусын.