Уыдзæн 14 ноябырьмæ, пайда дзы кæнынц нымæцон технологитæй
Уæрæсейы цæуы цæрджыты æппæтуæрæсеон æрфыст. Уыдзæн 14 ноябырьмæ, пайда дзы кæнынц нымæцон технологитæй. Ацы æрфыст иннæтæй хицæн кæны техникон ногдзинæдтæй. Нæ бæстæйы цæрджыты бон у сæхи тыхтæй фарстатæн дзуæппытæ радтын паддзахадон лæггæдты порталы уылты. Мадзал хъуамæ ацыдаид фарон, фæлæ йæ коронавирусы пандемияйы тыххæй рахастой ацы азмæ. Цæрджытæ дзуæппытæ ратдзысты 33 фарстайæн. Уæ зæрдыл уын æрлæууын кæндзыстæм — 2010 азы æрфысты бæрæггæнæнтæм нæ республикæйы цæры авдсæдæ дыууадæс мин адæймаджы. Ацы хатт мадзалы нæ респубикæйы архайынц иу мин цыппарсæдæ сæрмагонд ахуыргонд адæймаджы. Æрфысты специалисттæ пайда кæнынц сæрмагонд планшеттæй. Техникон ногдзинæдты фæрцы мадзал цæуы бæлвырддæр æмæ тагъддæрæй. Цæгат Ирыстоны кусы цæрджыты æппæтуæрæсеон æрфысты комкоммæ лини. Сæдæ æвдай сæрмагонд ахуыргонд операторы дзуæппытæ дæтдзысты цæрджыты фарстатæн. Комкоммæ лини кусы æрвылбон, фараст сахатæй дыууын иу сахатмæ.