Бирæ хæттыты адæймагæн баххуыс кæнæн ис туг ратгæйæ дæр. Зæгъæм, проект «Кавказы донор» æххæст кæнгæйæ, арæзт æрцыд хæрзаудæн акци
Уæвгæ, адæймаджы цард аирвæзын кæнынæн хатгай профессионалон ирвæзынгæнæг уæвын нæ хъæуы. Бирæ хæттыты адæймагæн баххуыс кæнæн ис туг ратгæйæ дæр. Зæгъæм, проект «Кавказы донор» æххæст кæнгæйæ, арæзт æрцыд хæрзаудæн акци. Йæ сæйраг нысан – лейкозæй рынчын сывæллæттæн баххуыс кæнын. Акцийæн æвдисæн уыди нæ уацхæссæг Томайты Батраз, æмæ йын бакæсæм, цы æрмæг бацæттæ кодта, уымæ.
Анкетæ баххæст кæнгæйæ, æмæ 9 милиграммы туг ратгæйæ ис стæджы магъзы донор суæвæн. Майрæмбоны онг Дзæуджыхъæуы арæзт цæудзæн донорты акци.
Уæвгæ, туг ратгæйæ сбæрæг кæнæн ис адæймаджы генотип. Æппæт информаци бахæссынц Национ регистры реестрмæ. Хæссы Вася Перевощиковы ном. Ацы лæппуйæн Уæрæсейы баххуыс кæнын нал бантыст.
Цард аирвæзын кæнын, æмæ æцæгæлон адæмæн низыл фæуæлахиз уæвынæн баххуыс кæнын сфæнд кодта Уарзиаты Маринæ. Ахуыр кæны Цæгат Ирыстоны паддзахадон университеты фармацевтон факультеты. Йæхæдæг куыд радзырдта, афтæмæй æппынæдзухдæр æрбацæуы станцæмæ туг раттынмæ. Дæнцæг дзы райсынц йæ хæстæджытæ дæр.
Хæрзаудæн фонд «Быть добру»-йы хъæппæрисæй арæзт акцитæ кæддæриддæр раттынц хорз бæрæггæнæнтæ. Цæгат Кавказы федералон зылды республикæтæй æмæ сæрмагондæй Цæгат Ирыстонæй вæййы æппæтæй фылдæр потенциалон донортæ, зæгъы фонды разамонæг Хъуысаты Амырхан.
Æгайты Лианæ, хæрзаудæн фонд «Быть добру»-йы бархион: «Æнæхъæн зæххыл ахæм æнахуыр низ, зæгъгæ, лейкоз алы бон дæр аæхъуысы, рабæрæг вæййы адæммæ. Уый тыххæй потенциалон донорты рæнхъытæ фылдæрæй фылдæр кæнынц ахæм акциты руаджы. Абон акцимæ чи æрбацыд – бузныг. Иннæ акциты немæ чи æрбалæууыд, уыдонæн. Уæрæссейы потенциалон донорты регистыры сты сæдæ мин адæймагæй фылдæр.Нæ республикæйы та аст сæдæ адæймагæй фылдæр. Алкæмæндæр бузныг. Мах æнхъæлмæ кæсæм сымахмæ».
Уæрæсейы ныридæгæн аирвæзын кодтой 3 адæймаджы. Уый та ууыл дзурæг у æмæ лейкозыл дæр кæй ис фæуæлахиз уæвæн. Стæджы магъзы низ дæр ис сдзæбæх кæнæн.
Уыимæ канд хостæй нæ, фæлæ ма адæймаджы хъарм зæрдæйы ахастæй дæр. Баххуыс кæныны фадат ис алкæмæн дæр. Бацархайын хъæуы иумæйаг хъарутæй, цæмæй Вася Перевощиковы хъысмæт йæхиуыл мачиуал бавзара, уый тыххæй.
