Афтæ, Дзæуджыхъæуы администрацийы сæргълæууæг Милдзыхты Вячеславы хъæппæрисæй горæты Галиуфарсы ацыд фыццаг зиу
Уалдзæджы ралæудимæ райдыдтой зиутæ аразын. Афтæ, Дзæуджыхъæуы администрацийы сæргълæууæг Милдзыхты Вячеславы хъæппæрисæй горæты Галиуфарсы ацыд фыццаг зиу. Хур йæ хъарм тынтæй рæвдауы, фæлæ уыцы-иу рæстæг, разындысты, фæззæгæй чи баззади, ахæм хус сыфтæртæ, æмæ æнæфснайд бынæттæ. Леоновы уынджы газонтæ æмæ сквертæ æфснайынмæ рацыдысты Дзæуджыхъæуы Цæгат-Ныгуылæн æмæ Терчыфалейы районты администрациты кусджытæ, сæ сæргъы сæ разамонæг Игорь Шаталов, афтæмæй. Зиумæ йе вæрæн бахаста Цæгат-Ныгуылæн районы социалон хъахъхъæнынады управлени дæр. Æдæппæтæй экологон акцийы архайдта 47 адæймаджы. Нæ алкæйы хæс дæр у нæ алыварс сыгъдæгдзинад хъахъхъæнын, æмæ Уæлахизы 80 азы бон æфснайд æмæ аив ран сбæрæг кæнын.
