Ацы зайæгой хаст æрцыди Уæрæсейы æмæ Цæгат Ирыстоны Сырх чингуытæм
Уазалы малусæг дидинæг ракалдта ЦИПУ-йы химийы, биологийы æмæ биотехнологийы факультеты фæлварæн фæзуаты. Ацы зайæгой хаст æрцыди Уæрæсейы æмæ Цæгат Ирыстоны Сырх чингуытæм. Парахат у Цæгат æмæ Хуссар Ирыстоны арæнтæм хæстæг бæрзонд хæхты. Университеты ахуыргæндтæ йæ æрхастой быдыртæм, ныр ын кусдзысты йæ экологон-биологон хицæндзинæдтæ сбæрæг кæныныл. Кæд йæ рацæуæн хæхтæй у, уæддæр зайæгой йæхи æнкъары хорз, тагъд ракалдзæн йæ дыккаг дидинæг дæр. Ацы зайæгой нымад у уникалоныл. Нæй йæ тонæн æмæ дзы дидинджыты бæстытæ кæнæн. Фæлæ, уый, фесæфынæй йын тæссаг кæй у, уый тыххæй нæ. Уазалы малусæг у маргджын. Зайæгойæ æнтыстджынæй пайда кæнынц фармацевтикæйы. Йæ бындурыл ын аразынц микстурæтæ, мазьтæ, алыхуызон препараттæ.
