филиал вгтрк государственная телерадиовещательная компания “Алания”

Стыр фидæнмæ… УФ-йы æвзонг граждæнтæ райстой сæ фыццаг паспорттæ. Скъоладзаутæн сæ кадджын уавæры радтой республикæйы сæргълæууæг Сергей Меняйло æмæ мидхъуыддæгты министр Демьян Лаптев. Рæзгæ фæлтæрæн арфæ ракодтой ацы ахсджиаг цауы фæдыл, сæ зæрдæ сын загъта цæмæй суой аккаг адæм, æмæ архайой нæ Райгуырæн бæстæйы хорздзинадæн. Æдæппæтæй документтæ райстой 30 адæймаджы, уыдонæй 17-æй сты «Движение первых»-ы активисттæ. Ацы фæсивæд сты, республикæйы районты ахуыры хуыздæр бæрæггæнæнтæ чи равдыста, ахæмтæ, стæй олимпиадæты æмæ наукон-сфæлдыстадон конкурсты уæлахиздзаутæ.