филиал вгтрк государственная телерадиовещательная компания “Алания”

11:00 пятница, 11 июля 2025
26 июня 2025, 10:37
УФ-йы экономикон рæзты министры хæдивæг Сергей Назаров кусæг балцы ссыд Цæгат Ирыстонмæ

Фембæлд республикæйы бизнес-æхсæнадимæ

УФ-йы экономикон рæзты министры хæдивæг Сергей Назаров кусæг балцы ссыд Цæгат Ирыстонмæ. Фембæлд республикæйы бизнес-æхсæнадимæ. Архайдтой дзы Цæгат Ирыстоны сæргълæууæг Сергей Меняйло, Цæгат Кавказы федералон зылды социалон-экономикон рæзты департаменты минæвæрттæ æмæ «КАВКАЗ.РФ»-ы генералон директор дæр. Боны фæткы – регионы амалхъом адæмы цы фарстатæ тыхсын кæны, уыдон. Бæрнон кусæг куыд фæнысан кодта, афтæмæй фæстаг азты Ирыстоны туризм активонæй рæзы. Мамысоны курорт схуыдта раззагдæр проекттæй иу. Сергей Меняйло ма радзырдта ноджыдæр иу инвестицион проекты тыххæй. Фæззæджы Æрыдоны районы фæзындзæн, минералон дон кæм уаддзысты, ахæм завод. Ныридæгæн проект бавдыстой æппæтуæрæсеон форумты. Инвестициты бæрц у 600 милуан сомы. Сæргълæууæг ма йæ раныхасмæ бафтыдта, республикæ туристтæн афæдзæй-афæдзмæ кæны цымыдисагдæр. Сергей Меняйло куыд загъта, афтæмæй советон рæстæджы республикæйы æнтыстджынæй куыста 144 стыр промышленнон куыстуаты. Сæ фылдæр куыстой паддзахадон заказтæм гæсгæ. Абон Цæгат Ирыстоны промышленнон къабаз ахæм æмвæзадыл нæу. Ахады дзы астæуккаг æмæ чысыл бизнес. Сæ разамонджытæн ис алы гæнæнтæ æмæ уавæртæ. Республикæмæ комкоммæ инвестициты бæрц у 54 миллиард сомы. Фембæлды куыд фехъусын кодтой, афтæмæй цæттæ сты пайда инвестицион проекттæ царды рауадзынмæ.

vgtrk_alania
vgtrk_alania
vgtrk_alania
vgtrk_alania