УФ-йы Федерацийы Советы спикер Валентинæ Матвиенкойы хъæппæрисæй арæзт æрцыд Украинæйы Хуссар-Скæсæйнаг хайы цæрджытæн æхсæнадон æххæуыс кæныны комитет. Уырдæм
Уыд йæ радон æмбырд. Амыдта йæ комитеты сæрдар Николай Рыжков. Сæйрагдæр фарстатæй дзы иу уыд æркæсын Украинæйы цæрджыты уавæрмæ. Уыимæ сæм æрмæст паддзахады ргом хъуамæ здæхт ма уа, фæлæ ма хынцын хъæуы адæмы фæндæттæ, сæ хъуыдытæ æмæ сæ уынаффæтæ дæр.
Дæнцæгæн æркастысты, Белгороды облæсты æрбалидзæг адæмимæ куыд кусынц, уымæ. Алы бон дæр сæм Украинæйæ æрцæуы 500-йæ 1500 адæймаджы онг. 5 000 адæймаджы фæнд кæнынц Уæрæсейы баззайын. Уыдонæй 3 700 адæймаджы ныридæгæн райстой Уæрæсейы гражданины ном æмæ æмбæлгæ гæххæттытæ. Белгороды облæсты куыстæй сенатортæ баззадысты разыйæ.
Тотоонты Алыксандры ныхæстæм гæсгæ ацы хъуыддаджы фылдæр кусын хъæуы æхсæнадон организацитимæ. Йемæ сразы Николай Рыжков дæр. Æмæ сын Евгений Бушминимæ бахæс кодта Ростовы облæсты уавæр сбæрæг кæнын æмæ иннæ æмбырдмæ хъусынгæнинаг бабацæттæ кæнын.
Радон æмбырд уыдзæн 20 августы.
