Ныхас цыди Цæгат Ирыстоны социалон-экономикон рæзтыл, паддзахады Сæргълæууæджы хæслæвæрдтæ æххæст кæныныл æмæ сæрмагонд æфсæддон операцийы архайджытæн æмæ сæ бинонтæн æххуыс кæныны фарстатыл
УФ-йы Президент Владимир Путин æмæ РЦИ-А сæргълæууæг Сергей Меняйлойæн кусæг фембæлд уыди Кремлы. Ныхас цыди Цæгат Ирыстоны социалон-экономикон рæзтыл, паддзахады Сæргълæууæджы хæслæвæрдтæ æххæст кæныныл æмæ сæрмагонд æфсæддон операцийы архайджытæн æмæ сæ бинонтæн æххуыс кæныны фарстатыл. Сергей Меняйло бузныг загъта Уæрæсейы Президентæн, нæ республикæ дзы æххуыс кæй æнкъары, уый тыххæй. Афтæ, регионы социалон-экономикон æмвæзад фаронимæ абаргæйæ зынгæ фæхъомысджындæр. Уый, инвестициты, агропромышленнон æмæ хомаг кусыны къабæзты, логистикон центрты æмæ туризмы фæрцы. Æнтыстджынæй кусын райдыдтой егъау проекттæ. Уымæй уæлдай, Сергей Меняйло Владимир Путинæн фехъусын кодта хæстæгдæр рæстæг цы стыр проекттæ хъуамæ рацæуой царды, уыдоны тыххæй. Бæстæйы разамонæджы хæслæвæрдмæ гæсгæ, ацы аз республикæйы райдайдзæн нырыккон пульмунологон центры арæзтад, Фыййагдоны. Йæ проект у цæттæ. Программæ Уæрæсейаг бинонты цæрæнбынæттæй ифтонг кæнынæн уал æххæстгонд æрцыди йæ фыццаг къæпхæн. Регионы 775 бинонтæ фатертæ райстой льготæтæм гæсгæ, уый базары аргъæй 20% къаддæрæй. 250 милуан сомы дихгонд æрцыди æппæтадæмон культурон-патриотон центры музейы экспозицийæн. 110 милуаны ацы аз ратдзысты мемориалон компекс «Зæдты горæт»-мæ базилынæн. Фембæлды стыр æргом здæхт æрцыди сæрмагонд æфсæддон операцийы архайджыты æмæ сæ бинонты фарстатæм. 2022-æм азæй нырмæ фиддонты иумæйаг бæрц у 3 млрд æмæ 6 сæдæ милуан сомы. Фембæлды ныхас цыди æндæр ахсджиаг фарстатыл дæр. Уыдоны тыххæй былвырддæр нæ радон рауагъдты.
