Ног организацийы сæйрагдæр хæстæй иу у фæсивæды патриотон хъомыладыл кусын
«Движение первых». УФ-йы президенты уынаффæмæ гæсгæ сывæллæтты æмæ фæсивæдон организацитæ баиу сты. Ног организацийы сæйрагдæр хæстæй иу у фæсивæды патриотон хъомыладыл кусын. Йæ архайджытæ фæнд кæнынц се мгæрттæн мадзæлттæ аразын, цæмæй ахсджиаг социалон проектты архайой, уый тыххæй. Бæлвырддæр хабæрттæ радзурдзæн Тъехты Элинæ.
Хъарм цъындатæ, адджинæгтæ æмæ тагъд æххуысы фæрæзтæ. Фæсивæдæн ацы гуманитарон æххуыс фыццаг нæу. Нæ республикæйы скъолатæ æмæ рæвдауæндæттæ æфсæддонтæн фæхай кодтой сæ удыхъармæй. Сывæллæттæн ис ахсджиаг хæслæвæрд – фæрæзтæ къоппыты раст сæвæрын æмæ сæ рынчындонмæ арвитын, цæмæй алы æфсæддонæн дæр æххуыс уа, уый тыххæй. Челæхсаты Альберт архайы æхсæнадон куысты. Сарæзта бирæ хæрзаудæн акцитæ. Куыд зæгъы, афтæмæй цы адæймаг фæцуды, уымæн сæйрагдæр у афойнадыл баххуыс кæнын.
УФ-йы президенты уынаффæмæ гæсгæ сывæллæтты æмæ фæсивæдон организацитæ баиу сты. «Движение первых» архайы ахуырады хæрзхъæддзинадыл, культурон цардыл æмæ историон бынтæ бахъахъхъæныныл.
Ног организацийы сæйрагдæр хæстæй иу у фæсивæды патриотон хъомыладыл кусын. Нæ республикæйы волонтертæ бирæ азты архайынц Фыдыбæстæйы Стыр Хæсты хъайтарты цыртдзæвæнтæ сног кæнынынл, аразынц хæрзаудæн акцитæ, уыимæ сæрмагонд æфсæддон операцийы архайджытæн дæр. Æфсæддон – патриотон хъомылады центры фæсивæды зонгæ кæнынц историимæ, ахуыр сæ кæнынц къордгай кусыныл æмæ фыццаг медицинон æххуыс бакæныныл.
Активисттæн ныр фадат ис ног зонындзинæдтæ райсынæн се мкусджытæй. Патриоттæ архайынц ерысты æмæ райсынц кады гæххæттытæ.
«Движение первых»-мæ цæстдард цæуы УФ-йы президенты рдыгæй. Ног организацимæ сиды, цæмæй æхсæнадон организацитæн æххуыс кæна, уый тыххæй.
Фæсивæд архайдзысты экологон проекттимæ, кусдзысты туризмы райрæзтыл æмæ парахат кæндзысты æнæниз цардыуаг.
