Мæздæджы районы культурæйы хæдзары стыр сценæйы арæзт æрцыд хæрзаудæн концерт
Украинæйы сæрмагонд æфсæддон оперцийы цы æфсæддонтæ архайынц, уыдоны фарс рахæцын бафæндыд ансамбль «Исток»-ы. Мæздæджы районы культурæйы хæдзары стыр сценæйы арæзт æрцыд хæрзаудæн концерт. Адæмон ансамбль фæзынд афæдзы размæ, фæлæ дзы ныридæгæн ис 100 хъомылгæнинаджы. Ансамблы аивадон разамонæг Хуыгаты Сергейы къухы бафтыд, хореографи æмæ национ кæфтытæ чи уарзы, уыдоны баиу кæнын. Ис дзы дыууæ къорды – хистæртæн æмæ кæстæртæн. Сæвæрдтой, мæздæггаг аивадуарзджытæ кæй бауарзтой, ахæм 20 кафæн композицийæ фылдæр. Коллектив абоны онг бацархайдта бирæ конкурсты æмæ концертты. Цы фæрæзтæ æрæмбырд кæной, уыдонæй балхæндзысты хостæ æмæ хойраджы продукттæ. Арвитдзысты сæ, се мзæххонтæй сæрмагонд æфсæддон операцимæ чи ацыд, уыдонæн.
