Амыдта йæ Хицауады сæрдар Дзанайты Барис
Уыд æппæтуæрæсеон конкурс «Хуыздæр муниципалон практикæ»-йы регионалон къæпхæны къамисы организацион æмбырд. Амыдта йæ Хицауады сæрдар Дзанайты Барис. Конкурс арæзт цæуы 5 номинацимæ гæсгæ. Æвдисынц, муниципалон разамынды организаци æмæ бынæттон нысаниуæг кæмæн ис, ахæм фарстатæ лыг кæныны практикæ. Дзанайты Барис бафæдзæхста, цæмæй муниципалитеттæ активонæй бацархайой ерысы. Уый ратдзæн, бынæттон хициауады æмгуыстад адæмимæ фæахадгæдæр кæныны фадат. Æппæтуæрæсеон конкурсы регионалон къæпхæны архайæгыл нымад цæуы, 25-æм июльмæ курдиат цы муниципалон сконды сæргълæууæг арвита, уый. 1-æм августмæ бынæттон оргæнты разамонджыты хъæудзæн республикон конкурсон къамисмæ бахæссын, курдиæтты рагагъоммæйы æвзæрсты хатдзæгтæ. Регионалон къæпхæнæн хатдзæгтæ скæндзысты 10-æм августы. Федералон этапы уæлахиздзаутæ æмæ призертæ та сбæрæг уыдзысты октябры. Цæгат Ирыстон æппæтуæрæсеон конкурсы архайы 2019-æм азæй фæстæмæ æмæ æвдисы хорз бæрæггæнæнтæ. Фарон Кировы районы Ираныхъæу сси уæлахиздзау «нациты *хсæн хæлар ахастдзинæдтæ фидар кæныны æмæ национ политикæйы къабазы æндæр мадзæлттæ æххæст кæныны» номинацийы. Райста преми – 20 милуан сомы. Ноджыдæр ма иу номинацийы та 3-аг бынат бацахста Ногир. Рамбылдта грант 7 милуан сомы.
