филиал вгтрк государственная телерадиовещательная компания “Алания”

Йæ разамонæг, Хицауады сæрдары хæдивæг Зæнгионты Виталий бафиппайдта, январы бæрæггæнæнтæ сæ мæты кæй æфтауынц, уый. 50 фæндаггон фыдбылызы фæмард сты 12 адæймаджы, 72 цæфтæ фесты. Фæндæгтыл цæуыны æдасдзинады паддзахадон инспекцийы сæргълæууæг Беккуызарты Хасанбег куыд загъта, афтæмæй фыдбылызтæн се ‘рдæг æрцыдысты, шофыртæ æгæр тагъд кæй цыдысты, уый аххосæй. Январы æдæппæтæй, фæндæгтыл цæуыны уагæвæрд хæлд кæм æрцыд, ахæм цауты нымæц у 33 мины 934. Тæрхондæтты уынаффæтæм гæсгæ, 416 адæймагæн раæстой сæ гæххæттытæ, 830 адæймаджы та ивар фæкодтой. Къамисы уæнгтæ ма æрдзырдтой бæлццæтты цард æмæ æнæниздзинады æнæмæнг фæдзæхстады фарстайыл. Уый тыххæй хъуамæ фæдзæхст уа шофыры бæрнондзинад. Боны фæткы фарстатæй иу баст уыд шофырты æнæниздзинадмæ хъус дарынимæ. Алы автотранспортон куыстуаты дæр хъуамæ фадат уа, цæмæй рейсы рацæуыны агъоммæ алы шофыры дæр бæрæг кæной дохтыртæ. Уыцы домæн хауы маршрутон такситы шофыртæм дæр. Æрдзырдтой ма скъоладзауты фæндæгтыл цæуыны домæнтыл ахуыр кæныныл.