Архайдтой дзы сенатор Виталий Назаренко, сæйраг федералон инспектор Сергей Ганчаров, стæй республикæйы хицауады уæнгтæ
Уыд республикæйы парламенты 7-æм сконды 16-æм уæрæхгонд æмбырд. Архайдтой дзы сенатор Виталий Назаренко, сæйраг федералон инспектор Сергей Ганчаров, стæй республикæйы хицауады уæнгтæ. Боны фæткмæ рахастой цардархайды фарстатæ. Се хсæн – рог такситы бæлццæттæ æмæ багаж ласыны фæтк снывыл кæнын. Закъоны проекты тыххæй сæ хъуыдытæ загътой депутаттæ.
Кæронбæттæн бакасты депутаттæ сфидар кодтой республикæйы Сæргълæууæг цы закъоны проект бахаста, уый. Амынд дзы ис Цæгат Ирыстоны центрон æвзарæн къамис, республикæйы æвзарæн къамис схонын. Уымæй уæлдай, æмбырды снысан кодтой 7 тæрхонгæнæджы. Гом хъæлæс кæныны процедурæйы фæрцы се ппæт кандидатурæтæ дæр нымад æрцыдысты. Æрныхас кодтой республикæйы бюджетмæ ивддзинæдтæ бахæссыныл дæр.
