Баст уыд уæрæсейаг хъизæмаргæнджыты ном ссарынимæ
Уырыссаг академион театры арæзт æрцыд концерт-реквием «Свет тихой славы». Баст уыд уæрæсейаг хъизæмаргæнджыты ном ссарынимæ. Сæ дины тыххæй кæй амардтой, уыдоны æрымысынмæ æрæмбырд сты Дзæуджыхъæуы епархийы æмæ æхсæнадон организациты минæвæрттæ, стæй кæй фæндыд, уыдон. Адæмы размæ рахастой документалон æрмæджытæ. Дзурæг сты, ирыстойнаг зæххыл хъизæмæрттæ чи бавзæрста, уыдоны хъæбатырдзинадыл. Бацæттæ сæ кодта Дзæуджыхъæуккаг æмæ Алайнаг епархийы сæрмагонд къамис. Сценæйæ айхъуыстысты зындгонд композицитæ. Акодта сæ Гергиты Валерийы номыл Дзæуджыхъæуы аивæдты колледжы оркестр. Азæлыдысты моладзанты поэмæтæй скъуыддзæгтæ. Уымæй дарддæр аивадуарзджыты размæ сæ курдиат рахастой епархиалон хор, Евгений Вахтанговы номыл уырыссаг театры актертæ, Цæгат Ирыстоны паддзахадон университеты студенттæ. Концерт бацæттæ кодтой, сыгъдæг патриарх Тихоны амæлыны 100 азы бонмæ.
