Комсомольскæйы ног культурæйы Хæдзары сценæйы равдыстой сывæллæттæн спектакль «Сызгъæрин цъиу».
Уырыссаг Академион театры
артисттæ стыр аивадон бæрæгбон балæвар кодтой Кировы районы цæрджытæн.
Комсомольскæйы ног культурæйы Хæдзары сценæйы равдыстой сывæллæттæн спектакль «Сызгъæрин
цъиу». Цымыдисæй йæм бакастытсты хистæртæ дæр. Уымæн æмæ дæрддзæф хъæутæй
Дзæуджыхъæумæ, спектакль фенынмæ ацæуыны фадат алы хатт нæ вæййы.
Профессионалон артистты архайд фенын та æхсызгон куыд нæ у? Кировы районы
аивадуарзджыты æнкъарæнты тыххæй радзурдзæн Хъатыхъты Фатимæ.
Комсомольскæйы
хъæуы культурæйы артдзæсты раз адæмæй къухбакæнæн нæй. Се ппæты дæр фæнды
бакæсын дзæуджыхъæуккаг зындгонд артисттæм. Уырыссаг Академион Театр абон
фыццаг хатт æрбацыд Комсомольскмæ.
Артисттимæ
æрбацыд гриммер дæр. Людмилæ цыппор азæй фылдæр кусы театры. Йæ куыст зоны
хорз, йæ бæрнондзинад æмбары. Ёдзухдæр
театримæ, æдзухдæр — аритисттимæ.
Актерты
диссаджы хорз хъазт у бæрæг йæ райдианæй. Сæ рольтæ куыд хорз æнкъарынц, уый
фыццаг бакастæй дæр бæрæг у. Уазджытыл æппæты тынгдæр цин кæнынц сабитæ.
Интерактивон
спектаклы руаджы сценæ фæхæстæгдæр ис театруарзджытæм.
Хъуыдыйаг
ма у уый дæр, æмæ спектакль æвдисынц лæвар. Уæвгæ, ууыл ничи хъуыды кæны.
Сæйрагдæр — сабиты цин.
Спектакль
кæронмæ æрхæццæ. Тыхджын къухæмдзæгъд айзæлд залы. Абоны бон цы æнкъарæнтæ æрхаста хъæуы цæрджытæн, уыдон рæхджы нæ
ферох уыдзысты.
Актертæ
сæхæдæг куыд зæгъынц, афтæмæй республикæйы сæргълæууæджы сидтмæ æнцонæй
байхъуыстой. Ёмæ æрластой спектакль хъæумæ. Ацы хорз хъуыддаг дарддæр хæццæ
кæндзысты. Ёхсæрдæсæм майы театр ацæудзæн Елхотмæ. Ног культурæйы артдзæсты
равдисдзысты мюзикл «Алцыдæр райдайы уарзондзинадæй». Уый фæстæ та ацæудзысты
Мæздæгмæ.
