Режиссер-æвæрæг у мæскуыйаг специалист Елена Невежина
Евгений Вахтанговы номыл Уырыссаг академион театры ацыд Островскийы пьесæ «Бесприданница»-мæ гæсгæ спектаклы премьерæ. Режиссер-æвæрæг у мæскуыйаг специалист Елена Невежина. Уымæн бантыст, фыссæг уацмысы цы æнусон хъуыдытыл дзырдта, уыдон равдисын.
Кнуровы ныхæстæ, адæймагæн аргъ кæнгæйæ æмæ уыцы иу рæстæг æнæрвæсгæйæ загъд, ирдæй æвдисынц Лариса Огудаловайы удыхъæд. Чызг у сыгъдæгзæрдæ æмæ рæсугъд миддунейы хицау, фæлæ цух у хъæздыгдзинад æмæ æхсæнады сæрмагонд бынатæй. Æнцонæй йæ ис бахъыгдарæн, адæмæн сæйрагдæр материалон фæрæзтæ цы дунейы сты, уым цæргæйæ. Уырыссаг классикон литературæйы истори æвæрд æрцыд уырыссаг театры сценæйы. Хорз амонд ссарын кæй фæнды, ахæм мæгуыр чызг у сæйраг хъайтар. Лариса Огудалова раздæр бауарзта амалхъом Паратовы, фæлæ уый йæхи дард ласын райдыдта. Фæстæдæр чызг сфæнд кодта смой кæнын, раздæр æй чи йæ кура, уымæ. Уыцы нæлгоймагæй та разынд чысыл æмæ ницæйаг чиновник Карандышев. Афтæ зыны, цыма Огудалова сразы ис, фæлæ Паратов æвиппайды куы фæзынд, уæд чызг дызæрдыг кæнын райдыдта
Спектаклы режиссер-æвæрæг у мæскуыйаг специалист Елена Невежина. Уымæн бантыст классикон уацмысы æнусон хъуыдытæ равдисын. Ацы куыст режиссерæн уырыссаг театры сценæйы фыццаг нæу. Ивгъуыд театралон сезоны ирыстойнаг театруарзджыты зæрдæтæ барухс кодта постановкæ «Суббота. Воскресенье. Понедельник»-æй. Иуырдыгæй æнтыстджын амалхъом адæймаг, иннæмæй та – фæлмæн зæрдæ, уарзондзинадмæ бæллæг нæлгоймаг. Кнуровмæ кæсгæйæ бæрæг у æхца æмæ хицауы бынат адæймаджы æнкъарæнтæ куыд аивынц, уый. Уырыссаг театры сценæйы амалхъом адæймаджы сурæт сарæзта йæ аивадон разамонæг Владимир Уваров. Уый ныхæстæм гæсгæ, ацы сезоны театрдзаутæ классикон литературæйæ фендзысты æндæр спектакльтæ дæр.
1878 азы фыст æрцыд Островскийы «Бесприданница». Кæд уацмыс рухс 147 азы размæ федта, уæддæр нырыккон царды дæр у актуалон. Владимир Уваровы ныхæстæм гæсгæ, театры æууæндынц, спектакль репертуармæ хаст кæй æрцæудзæн, ууыл. Æппæты раздæр æм чи бакаст, уыцы театрдзаутæ йын ныридæгæн æмбæлгæ аргъ скодтой.
