27 ноября 2019, 12:34
Уырыссаг академион театры кадгæнæн мадзæлттæ скодтой бирæсывæллонджын мадæлтæн
Сæ номыл бæрæгбонмæ æрбахуыдтой 200 сылгоймаджы республикæйы æппæт районтæй.
«Кады аккаг ныййарджытæ! Кад кæнæм мадæлтæн». Евгений Вахтанговы номыл Уырыссаг академион театры кадгæнæн мадзæлттæ скодтой бирæсывæллонджын мадæлтæн. Сæ номыл бæрæгбонмæ æрбахуыдтой 200 сылгоймаджы республикæйы æппæт районтæй. Мадзал баст уыд мады бонимæ. Бæрæг æй фæкæнынц ноябры фæстаг хуыцаубоны. Бæрæгбоны уазджытæн радтой кады гæххæттытæ æмæ арфæйы фыстæджытæ. Гæздæнты Булаты разамындæй адæмон иснтрументты оркестр та сын балæвар кодта цалдæр зæрдæлхæнæн композицийы. Зæгъæн ис, æмæ се ппæт дæр ацы изæр райстой цины рæсугъд æнкъарæнтæ.
темæмæ гæсгæ
