филиал вгтрк государственная телерадиовещательная компания “Алания”

Граждайнаг-патриотон хъомылад фæхъомысджындæр æмæ фæсивæды миддуне фæхъæздыгдæр кæныны тыххæй Евгений Вахтанговы номыл Уырыссаг академион театры уыд æмдзæвгæ кæсджыты республикон конкурс «И помнит мир спасенный»-йы финал. Арæзт æрцыд Уæлахизы 69 азы кадæн. Архайдта дзы 70 скъоладзауæй фылдæр республикæйы алы районтæй. Конкурсанттæ кастысы Фыдыбæстæйы Стыр хæсты тыххæй æмдзæвгæтæ. Адих сæ кодтой сæ кармæ гæсгæ къордтыл. Жюрийы уæнгтæ сæ бæрæг кодтой цалдæр номинацимæ гæсгæ: «Хуыздæр æмдзæвгæкæсæг уырыссаг æвзагыл» æмæ «Хуыздæр æмдзæвгæкæсæг ирон æвзагыл». Аргъ та сын кодтой республикæйы зындгонд артисттæ æмæ æхсæнадон архайджытæ, филологтæ. Конкурс саразджытæ сты ахуырады æмæ наукæйы министрад, стæй информацион портал «15-æм регион». Æмдзæвгæтæ аив кæсыны номинацийы хуыздæрыл нымад æрцыд 37-æм скъолайы ахуыргæнинаг Гæгкуты Юлия. Аивадуарзджыты зæрдæмæ æппæтæй тынгдæр фæцыд Хутъинаты Мæдинæ. Сæрмагонд призы аккаг та сси Æрыдоны скъолайы ахуырдзау Моурауты Хъазыбег. Уый ацæудзæн сывæллæтты лагерь «Орленок»-мæ.