11 ноября 2019, 12:55
Уырыссаг театры æнтыстджынæй ацыдис спектакль «А зори здесь тихие»-йы премьерæ
Сæвæрдта йæ мæскуыйаг режиссер Ольгæ Левковская.
Евгений Вахтанговы номыл Уырыссаг академион театры æнтыстджынæй ацыдис спектакль «А зори здесь тихие»-йы премьерæ. Сæвæрдта йæ мæскуыйаг режиссер Ольгæ Левковская. Фондз æрыгон чызг-æфсæддоны лæгæвзарæн тохы бацыдысты немыцаг диверсанттимæ, æмæ сæ хъæбатырдзинадæй фæхæстæрдæр кодтой Уæлахизы бон. Сæйраг рольты ахъазыдысты Элинæ Захарова, Алена Бондаренко, Елена Горячева, Алена Алехинæ, æмæ Бестауты Зойæ. Старшина Федот Васковы роль ахъазыдысты Никита Верзилин æмæ Киситы Роберт. Бафиппаинаг у уый дæр, æмæ Борис Васильевы драмæ «А зори здесь тихие» у Уырыссаг театры дыккаг премьерæ ацы сезоны. Спектакль сæвæрдтой Уæлахизы 75 азы кадæн.
темæмæ гæсгæ
