Артисттæ цæгатирыстойнаг театрдзаутæн цы спектакльтæ сластоæ, уыдонæй иу Борис Васильевы хæстон уацмысмæ гæсгæ æвæрд драмæ «А зори здесь тихие»
Уырыссаг театры райдыдта проект «Большие гостроли». Евгени Вахтанговы номыл академион театры фыццаг уазджытæ систы Калининграды облæсты драмон театры уæнгтæ. Артисттæ цæгатирыстойнаг театрдзаутæн цы спектакльтæ сластоæ, уыдонæй иу Борис Васильевы хæстон уацмысмæ гæсгæ æвæрд драмæ «А зори здесь тихие». Сæхи йæм куыд цæттæ кæнынц, уый тыххæй радзурдзæн Касаты Наирæ
Республикæйы сæйраг библиотеæйы райдзаст, æмæ сабыр агъуыстмæ бахизгæйæ адæймаджы йæ мидхъуыдытæ ахæссынц историон цаутыл. Уæлдайдæр та Фыдыбæстæйы Стыр хæсты цаутимæ баст æрмæг кæсгæйæ.
50 азмæ уацмыс экрантæм хаст иу æмæ дыууæ хатты не рцыди. 1972-æм азы классикок хуызы, бæстæйы цæрджытæ йæ сæ зæрдæтæм арф айстой, стæй 2016 – æм азы. Аивадуарзджытæ уацмысы истори æмæ æрыгон чызджы хъæбатырдзинадæн скодтой æгæрон аргъ.
Ног сезоны премьерæ «А зори здесь тихие…» аивадуарзджыты размæ рахæсдзæн Евгений Вахтанговы номыл Уырыссаг Академион театр. Спектаклыл кусы Мæскуыйаг режиссер Ольга Лековская. Цалынмæ актертæ сæ сурæттимæ зонгæ кæнынц, уæдмæ театры аивадон разамонæг бæстонæй йæ цæст дары репетицийы алы фæзилæнмæ дæр.
Театралон уацмысы сæйраг æргом здæхт æрцыдифронты æгъатыр æцæгдзинæдтæм. Режиссеры æрхъуыдыдзинадмæ гæсгæ, хæстон уæлæдарæс у уæды рæстæджы хуызæн, дæрдджын æмæ хæсты цæхæр чи бавзæрста, ахæм. Ног хуыд дзаумæйæ спайда кæнын сæ нæ бафæндыди спектаклы. Суанг хæцæнгарз дæр у æцæг хæстоны хуызæн. Цæмæй йемæ архайын базоной, уый тыххæй актертимæ куыста сæрмгонд консультант.
Алена Бондаренко адæмы размæ рахæсдзæн сæйраг сурæттæй иуы фæлгонц. Йæ хъайтары тыххæй дзуры цымыдисаг æнкъарæнтимæ.
Актертæм ма разæй æнхъæлмæ кæсынц цалдæр репетицийы, Уый фæстæ, кæронбæттæн – генералон репетици. Ноябры та театрдзаутæ æвдисæн уыдзысты æнæмæлгæ уацмысы æмæ Уырыссаг театры сценæйы историон цау цы хуызы æвæрд æрцыди, уымæн.
