Куыстуаты разамынд ахæм уынаффæ рахаста, завод фаг заказтæ кæй нæ исы, уый тыххæй. Æмæ цæмæй бынтондæр йæ куыстæй ма ныллæууа, уый тыххæй уал кусдзысты ахæм фæткмæ гæсгæ.
Вагæттæ цалцæггæнæн заводы хицау Беккуызарты Виталий куыд æмбарын кæны, афтæмæй юридикон фæткмæ гæсгæ архайдтой уæзæгтæласæн компанийы Федералон конкурсы.
Вагæттæ цалцæггæнæн завод ныр кусдзæн къуыри 4 боны. Куыстуаты разамынд ахæм уынаффæ рахаста, завод фаг заказтæ кæй нæ исы, уый тыххæй. Æмæ цæмæй бынтондæр йæ куыстæй ма ныллæууа, уый тыххæй уал кусдзысты ахæм фæткмæ гæсгæ.
Вагæттæ цалцæггæнæн заводы хицау Беккуызарты Виталий куыд æмбарын кæны, афтæмæй юридикон фæткмæ гæсгæ архайдтой уæзæгтæласæн компанийы Федералон конкурсы. Рамбылдтой йæ. Конкурсы домæнтæм гæсгæ 2014-æм азы хъуамæ сцалцæг кодтаиккой 230 ног вагоны. Фæлæ дзы иу дæр нæ заводмæ не рбарвыстой.
Афтæмæй та ацы аз цы ног вагæттæ скодтой, уыдон фаронимæ абаргæйæ сты 8 хатты фылдæр. Цалцæггондтæ дæр къаддæр не сты.
Вагæттæ цалцæггæнæн завод Цæгат Кавказы у æппæтæй рагондæр. Цæуы йыл 100 азæй фылдæр. Уал азмæ та зындзинæдтæ куыд нæ æвзæрста. Æмæ-иу сæ заводы кусджытæ æмæ разамынд аиуварс кодтой.
Фæлæ ныры экономикон уавæртæ афтæ сты æмæ æнæ паддзахады æххуысæй сæ бон ницы бауыдзæн.
