Профессор йæ фембæлды радзырдта дунейы театралон историйы тыххæй
Театралон къуыри æххæст кæнгæйæ ма, Вахтанговы хæдзары арт-кафейы арæзт æрцыд Борис Щукины театралон институты профессор Елена Дунаевайы интерактивон лекци. Профессор йæ фембæлды радзырдта дунейы театралон историйы тыххæй. Уæлдай æргом аздæхтой комеди Дель-Артемæ. Уый у италиаг адæмон театры хуыз, æмæ йын бындур æвæрд æрцыд 16-æм æнусы. Арæзт æрцыд импровизацийы методмæ гæсгæ. Актертæ сæ рольтæ хъазыдысты маскæты. Дель-арте сси 20-æм æнусы æппæт режиссерты экспериментты бындур. Лекци бабæрæг кодтой актертæ, режиссертæ æмæ культурæйы архайджытæ. Алкæмæн дæр фадат уыд йæ фарст раттынæн. Зæгъдзыстæм ма уый дæр, æмæ интерактивон лекци æххæстгонд æрцыд фыццаг театралон фестиваль “Вахтангов. Путь домой”-ы фæлгæты.
