Рауагъд у интеллектуалон хъæзтытæ аразынæн фарстаты æмбырдгонд
Вахтанговы хæдзары уыд чиныг «Дзæуджыхъæуы фидар»-ы презентаци. Рауагъд у интеллектуалон хъæзтытæ аразынæн фарстаты æмбырдгонд. Сæ тематикæ уæрæх у – культурæ, истори, литературæ, географи, спорт æмæ регионимæ баст æндæр фарстатæ. Автортæ сты интеллектуалон клуб «Альбус»-ы президент Жанна Бориева æмæ 4 магистры Дзуццаты Сергей, Ануш Абкарян, Пагæты Артур æмæ Дмитрий Куцевляк. Мадзал бабæрæг кодтой ахуырады æмæ наукæйы министр Алыбекты Эллæ, Дзæуджыхъæуы администрацийы сæргълæууæджы хæдивæг Ходы Мæдинæ æмæ республикæйы районты интеллектуалон клубты разамонджытæ. Чиныджы презентаци уыд интерактивон хуызы. Уазджытæ хъазыдысты интеллектуалон хъазт «Цы? Кæм? Кæд»-æй. Чиныг мыхуыры рацыд горæты администрацийы финансон æххуысæй. 500 экземпляры æрвыст æрцæудзысты скъолатæм æмæ библиотекæтæм.
