Абоны онг прививкæтæ скодтой 167 адæймаджы
Вакцинаци цæуы дарддæр. Абоны онг прививкæтæ скодтой 167 адæймаджы. Уый тыххæй журналисттæн фехъусын кодта республикæйы æнæниздзинадхъахъхъæнынады министры хæдивæг Томайты Тамарæ. Ведомствæйы зæрдыл лæууын кæнынц, прививкæтæ скæнæн ис территориалон поликлиникæты. Вакцинæтæ ис фаг. Прививкæтæ чи скодта, уыдонæн сæхи ницы хуызæн банкъардтой. Æрмæстдæр адæймагæн фыццаг бон цыбыр рæстæгмæ схизы йæ буары тæвд. Иммунизаци цæуы горæты æртæ поликлиникæйы. 1-æм, 4-æм æмæ 7-мы. Прививкæтæ скæныны фадат ис районты цæрджытæн дæр. Уый тыххæй хъæуы æнæниздзинадхъахъхъæнынады министрады телефонмæ курдиат арвитын. Кæй фæнды, уыдонæн ратдзысты транспорт дæр æмæ сæ аласдзысты Дзæуджыхъæумæ. Æнæниздзинадхъахъхъæнынады министрад адæммæ сиды æрмæст вакцинаци скæнынмæ нæ, фæлæ маскæтæ дарынмæ дæр. Абоны онг республикæйы рынчындлæтты сты 1236 адæймаджы.
